Sundon sa Police Regional Office-XI ang mando sa Korte Suprema nga paggamit sa body-worn cameras atol sa mga operasyon nga ilusad isip pagpakita og transparensiya.
Sa pahayag sa PRO-XI, gibutyag ni Regional Director Police Brigadier General Filmore Escobal, supurtado nila ang maong kamanduan sanglit wala matud pay itago kung misubay sa hustong proseso ug balaud ang operasyon sa mga sakop.
Kini usab matud pa ang pamaagi aron mawala ang pagduda sa publiko batok sa gikaingong pagpangabuso sa mga sakop ug magamit usab ang recorded video sa korte isip pagpamatood.
Sumala pa nga 96 ka body worn cameras ang anaa karon PRO 11 apan naglaum ang opisyal nga madugangan pa maong maong himan sanglit dili tanang police station ang maaporan og body cameras.
Kahinumduman nag gipagawas sa Supreme Court sa milabayng Hunyo 29, 2021, pinaagi sa A.M. No. 21-06-08-SC nga nagmando sa mga law enforcers sa paggamit og body cams sa mga atol sa pagsilbi, pag-execute sa arrest ug search warrants ilawom sa Revised Rules of Criminal Procedure ug warrantless arrests.BNFM-DAVAO
