Nakiisa ag nagbulig ro Malay PNP personnel sa pagpamuno ni PLTCOL DON DICKSIE L DE DIOS, Chief of Police sa Brigada Eskwela sa pilang eskwelahan sa banwa it Malay, Aklan.
Ro Brigada Eskwela program hay dag-unan nga aktibidad it DepEd bilang pagpahaum para sa pagbukas it klase makarung dag-on nga may temang “Tugon sa Hamon ng Ligtas na Balik-Aral” nga nag-umpisa ku August 1 hasta 23, 2022.
Suno kay PLTCOL DE DIOS, nagpromisa sanda nga suportahan ro nasambit nga aktibidad agud pabaskugon ro pakikipagbueoligan sa mga maestro, ginikanan ag estudyante sa pagtaguyod it salbar nga lugar kaangot it pagbukas it face to face classes makarung school year 2022-2023.
Mismong ginbisita ni PLTCOL De Dios ro Balabag Elementary School, Caticlan Elementary School, Nabaoy Elementary School, ag Malay Elementary School sa andang unang adlaw it Brigada Eskwela.
Nagbulig ro mga pulis sa paglimpyo it mga eskwelahan ag palibot, pagkumpuni ag pagpinta it mga dingding, kisame, pungkuan ag lamesa ag iba pang kagamitan agud masiguro ro salbar, malimpyo ag manami nga palibot sap ag-eskwela para sa mga magasueod nga estudyante. / ANN DESLENE SALAZAR
