Nagpaguwa makarun ro pamunuan it Malay Municipal Police Station it official statement kaangot sa pilang indibidwal nga ginasugid nga illegal nga nagagamit sa andang social media account.
Base sa Public Advisory it Malay MPS, naalarma sanda matapos makita ro sangka facebook page/group nga “MALAY PNP FB GROUP (Formerly Boracay Tourist Police)” account.
Ro mga naka post segun nga impormasyon ag content sa nasambit nga account hay bukon it otorisado ag konektado sa Malay Police force.
Tanan segun nga mga official communications, publicized informations, content ag activities it Malay Municipal Police Station, hay naka post eamang sa andang official account nga “Malay Municipal Police Station” Facebook Page ag “Malay PNP Masaligan” Facebook Account.
Ginpadumdom man ro mga netizens kaangot sa Anti Cybercrime Law of 2012.
Ginaimbestigahan eon makarun it Malay PNP ro nasambit nga insidente. // ANN DESLENE SALAZAR
