Nagpaabot it pagpasaeamat si Makato Mayor Ramon MON D. Legaspi III, matapos ma-kwalipika ro nasambit nga banwa nga maging 3rd Class Municipality epektibo sa Enero 01, 2024 halin sa 4th Class Municipality base sa R.A. No. 11964.
Nagpasaeamat ro alkalde sa pagsalig it mga tax payers sa LGU ag sa kooperasyon nga gintao kana sa anang administrasyon, eabi eon sa Local Revenue Generation.
Base sa bag ong klasipikasyon, ro banwa it Makato hay may kapasidad nga makatao it dugang nga serbisyo para sa Socio-Economic Programs ag Infrastructure Projects.
Ginpasaeamatan man ni Mayor Legaspi ro suporta nga gintao kana it mga Municipal Officials, Barangay Officials ag SK Officials, Businessmen, Entreprenuers, Stakeholders, Civil Society Organizations ag People’s Organizations ag sa tanan nga mga Municipal Employees nga nagatao it oras ag sakripisyo. // ANN DESLENE SALAZAR
