Naghain ng resolusyon ang Makabayan bloc para imbestigahan ng Kamara kung sino ang Pangulong nangako umano sa Beijing na alisin ang BRP Sierra Madre sa Ayungin Shoal.
Sa House Resolution 1215 partikular na pinaiimbestigahan sa House Committee on Foreign Affairs ang usaping aid of legislation lalo’t wala pang maipakita na katibayan ang China tungkol sa anumang kasunduan.
Giit ng Makabayan, kailangang matukoy ng Kongreso kung may nagtraydor sa bansa dahil makumkumpromiso ang soberanya at teritoryo ng Pilipinas.
Noong Agosto 7, sinabi ng China Foreign Ministry na nangako raw ang Pilipinas na aalisin ang barko mula sa Ayungin Shoal.
Matatandang itinanggi na ng kampo nina dating Pangulong Gloria Macapagal-Arroyo, Joseph Estrada, at Rodrigo Duterte na sila ang nangako sa Beijing.
