BICOL—Umaabot na sa kabuuang 556,287 doses ng COVID-19 vaccine ang naibakuna na sa iba’t-ibang priority groups sa Bicol region base sa pinakahuling Vaccine statistics ng DOH Bicol kahapon, August 5, 2021.
Katumbas ito ng 66% ng kabuuang bilang ng mga bakunang natanggap ng rehiyon na umaabot na sa 840,840 doses. 407,129 ang naiturok sa first dose habang 149,158 sa second dose.
78,442 na ang fully vaccinated sa A1 priority group o mga health workers; 37,053 sa A2 o mga senior citizens; 25,442 sa individuals with comorbidities o A3; 7,351 sa mga uniformed personnel o ang A4 category; 223 sa Indigent population o ang A5 category at 647 sa B1, B6 at C o other priorities.
Ang lalawigan ng Camarines Sur ang may pinakamataas na vaccine allocation na nasa 260,570 doses. Sumunod ang Albay na may 222,222; Masbate 124,385; Sorsogon 116,007; Camarines Norte na may 70,793 at Catanduanes na may 46, 863 doses ng bakuna.
Sa ngayon ay tuloy-tuloy ang vaccination rollout sa iba’t-ibang lalawigan para sa layuning maabot ang target na herd immunity at mapigilan na ang pagkalat pa ng COVID-19.### ||slm
