Kinumpirma ng Philippine Statistics Authority (PSA) na halos 88 milyong Pilipino na ang nakapag-rehistro para sa Philippine Identification System (PhilSys) ID o national ID.
Ayon kay Deputy National Statistician Fred Sollesta, malapit na nilang maabot ang 92 milyon target ng gobyerno bago matapos ang 2024.
Kaya naman hinihikayat ng PSA ang mga hindi pa nakakapag rehistro upang kanila ring maranasan ang mga “advantages” o benepisyo ng national ID.
Giit kasi ni Sollesta, ang PhilSys ID ang magiging pinakamatibay na verification ng identity ng isang Pilipino.
