CAMARINE NORTE – Isinailalim sa seminar ang mahigit 300 aplikante ng Pambansang Pabahay para sa mga Pilipino (4PH) na planong itayo sa Brgy. 3 Mercedes Camarines Norte na tatawagin namang ” Lipunang Para sa Mercedeño”.
Itinuro ni Municipal Disaster & Risk Reduction Management Office o MDRRMO Head Mr. Filjhon Tychingco ang basic information patungkol sa ibat ibang uri ng kalamidad na posibleng tumama sa naturang bayan tulad ng Lindol , tsunami, bagyo at baha.
Ipinaliwanag naman ni Atty. Richard Manila ng Department of Human Settlement & Urban Development ( DHSUD) ang ukol sa programa ng PABAHAY sa ilalim ng administrasyon ni Pangulong Ferdinand Marcos. Aniya, malaki ang posibilidad na maitayo ito sa Mercedes dahil mayroon nang lupang pagtatayuan.
