Maagang pamasko ang hatid ng Philippine National Police sa lahat ng kanilang mga tauhan at opisyal dahil matatanggap na ng mahigit 220 thousand na mga eligible na pulis sa buong bansa ang kanilang Performance-Based Bonus o PBB para sa taong 2021 simula ngayong araw.
May kabuuang 3,733,668,419.00 pesos ang inilabas na Special Allotment Release Order o SARO ng Department of Budget and Management sa PNP na ipinamahagi o inireleased sa 220,116 PNP personnel.
Ayon kay PNP Director for Comptrollership PBGen Rommel Rommel Francisco Marbil, ang pondo ay pinroseso ng Directorate for Comptrollership at PNP Finance Service at na-credit sa mga individual ATM payroll accounts ng mga tauhan ng PNP.
Katumbas ito ng 52% ng buwanang basic salary ng bawat PNP personnel simula December 31, 2021 pero subject for taxation alinsunod sa TRAIN Law.
Ang mga miyembro ng PNP na apektado ng tax deductions ay ang mga Uniformed Personnel na may Rank na Police Major (PMAJ) hanggang Police General (PGEN) at Non-Uniformed Personnel na may Salary Grade 20 pataas.
Nagpasalamat si PNP Chief, Police General Benjamin Acorda Jr., sa pagkilala ng pamahalaan sa pagsusumikap at dedikasyon ng pulisya sa pagtupad ng kanilang tungkulin at responsibilidad sa bansa.
