BNFM BICOL—Inanunsyo ng Catanduanes Provincial Health Office na umabot na sa kabuuang 154,191 na mga indibidwal sa lalawigan ang bakunado na kontra COVID-19.
Batay sa inalabas na ulat ng tanggapan, as of November 12, 2021, 91,054 o 47% ng current target population ay natanggap na ang kanilang first dose ng bakuna habang 63,137 individuals naman o 33% ng current target population ang fully vaccinated na kontra COVID-19.
Bunsod nito, naabot na ng Catanduanes ang 23% ng vaccination coverage mula sa 100% na target population.
Kaugnay nito, nagpapatuloy ang vaccination roll out sa islang probinsya kung saan tumatanggap na rin ng walk in ang ibang mga vaccination sites upang mas marami ang mabakunahan.
Matatandaang nanawagan na rin ang pamahalaang panlalawigan ng mga volunteers para sa bubuoing bagong vaccination teams na ikakalat sa iba’t-ibang panig ng probinsya upang mas mapabilis ang pag-abot ng herd immunity sa mas lalong madaling panahon.###
