LEGAZPI-Arestado an magtugang sa kinodusir na drug buy bust oepration sa P2B, Brgy. Sugcad Polangui, Albay.
An mga suspek nabistong sinda Christian Capule Victoria, 19 anyos, sarong laborer asin si Cyril James Capule Victoria, 20anyos na parehas residente kan Brgy. Centro Oriental sa nasambitan ng banwaan.
Susog sa report kan Polangui Municipal Police Station, sa koordinasyon sa PDEA5, naikondusir an operasyon kontra sa magtugang na nagresulta kan pagkakarekober kan apat na (4) folded yellow pad papers na may laog na mamarang dahon nin pigtutubudang “marijuana”; sarong (1) plastic sachet na naglalaog man nin“marijuana”; sarong (1) caliber. 38 Smith & Wesson na may limang (5) cylinder na kargado nin (3) bala asin mga non-drug items.
Sa ngunyan nasa kustodiya na ini kan mga otoridad para sa magkakanigong disposisyon.
