Nabungkag ang usa ka drug den samtang unom ka mga indibidwal ang nadakpan atol sa gikasang drug buy-bust operation alas 9 sa gabii niadtong Agosto 7, 2023 sa mga sakop sa Davao Oriental Provincial Office of the Philippine Drug Enforcement Agency Regional Office XI ug Lupon Municipal Police Station sa Purok Dalsa, Barangay Ilangay, Lupon, Davao Oriental.
Naila ang mga dinakpan nga mag-tiayon nga mao sab ang nanag-iya sa drug den nga sila Anthony Sialana alyas John, 42 anyos ug Jocelyn Sialana, nga nanimuyo sa maong dapit.
Dakpan sab ang mga bisita niini nga sila Ronilo Bastian, Rubin Ducusin, Cepard Olay ug Michael Tutor.
Nakuha atol sa operasyon mao ang napulo ka pakete sa nagkadaiyang gidak-on sa gituohang shabu nga mutimbang sa kapin kon kulang 12 gramos nga mubalor sa Php 81,600.00, ug uban pang paraphernalia.
Paslak na sa bilangguan ang mga nahisgutan ug nag atubang sa kasong kalapasan sa Republic Act 9165.
