GITABANG sa mga silingan aron makamata, gidala pa sa tambalanan aron masalba ang kinabuhi sa usa ka magtiayon nga nakuryentehan apan gideklara sa doctor nga dead on arrival sa tambalanan.
Ang mga biktima naila sa pangalan nga Sammy Lecheco, 27-anyos, usa ka aircon technician ug electrician ang unang nakuryente samtang ang iyang asawa mao si Gina Felizardo, 26-anyos, self employed,ang ikaduhang nakuryente nga mga residente sa Purok Mudia, Brgy.Labangal.
Sumala sa ilang silingan nga si Susan Marabilla, Abril 22 sa buntag nihapit pa siya sa panimalay sa magtiyaon nga adunay usa ka anak, nagakaun ang pamilya nga daw sa nag piknik mao na diay kadto ang ilang ulahing panagsalo sa lamesa.
Nakuratan nalang sila nga nagasinggit og tabang ang batang lalaki sa magtiayon pasado alas 9 sa buntag. Abril 23,2023.
Sumala sa ig-agaw sa electrician nga si Loriano Aglorio, 39-anyos taga Lanton, Brgy.Apopong nga, ilang gidala sa tambalanan ang magtiayon aron mabuhi apan gisultihan kini sa doctor nga patay na ang duha.
Gipahayag ni Aglorio nga mobalhin unta sa sementadong balay sulod lang sa compound ang pamilya mao nga giayo ni Sammy ang linya sa kuryente apan wala mapalong ang breaker switch posible nga nagkumpyansa.
Sa panglantaw usab sa chairperson sa purok Mudia nga si Precila Calfaro posible nga gitabangan sa asawa ang iyang bana human nakuryente mao nga apil kini sa na kuryentehan patay. I Ver Diazon
