Dead on Arrival ang magsoon nga babaye human sa nahitabong bangga tali SUV ug motorsiklo sa Barangay Leling, Hagonoy Davao del Sur kagahapon sa buntag.
Sa insiyal nga imbestigasyon sa mga personahe sa Hagonoy Police Station, gikan sa Barangay San Isidro, Hagonoy nga dalan ang motorsiklo nga gimaneho ni Emy Doydoy Juanillo, 48 anyos, byuda, ug angkas niini ang igsoon nga nailang si Helen Doydoy Cayog, 55 anyos, minyo ug puros residente sa Brgy. New Clarin, Bansalan, sa maong probinsiya.
Pataboko na unta paingon sa Barangay Leling an g motorsiklo aron mangaligo ug dagat, nabanggaan hinoo sila sa SUV nga nagbyahe sa Digos-Makar nga dalan paingon sa Digos City nga direksyon nga gimaneho sa usa ka Abdullah Undaya Alfonso, 36 anyos, kasado, ug residente sa Purok Edenton, Brgy. Sison, Maitum, Sarangani Province.
Gumikan sa kusog nga impact sa pagkabangga, gilayon nga nakabsan sa kinabuhi ang duha ka mga biktima.
Pahimangno na lamang sa Hagonoy Municipal Police Station nga magsuot ug mga safety gears aron malikayan or ma minusan ang injury nga mahiagoman kung aduna may mga disgrasya nga mahitabo ug mag amping sa pag tabok sa mga kadalanan.