NAGA CITY- 22 na mga baboy ang inisyal na depopulate sa Ragay, Camarines Sur dahil sa African Swine Fever o ASF.
Iyo ay ayon kay Love Guarin, Information Officer ng Department of Agriculture Bicol. Hindi pa aniya nabatid kung nadagdagan pa ito dahil sakop pa palang ang 500 meter radius. Nag bigay na ng disinfectants supplies ang Kagawaran, gayundin ang surveillance supplies, may mga sprayers at Personal protective equipment.
Dagdag nito, mas hinigpitan pa ang border checkpoints sa naturang bayan. Bawal ilabas ang karne. Inabisuhan din ni Guarin ang mga Municipal Agriculture Officers na magmonitor sa lagay ng mga baboy at gawin ang nararapat na hakbang upang hindi na madagdagan ang bayang apektado ng ASF.
