Umpisa ku Lunes, Hulyo 11, ginabawae eon ro pag-park it mga saeakyan sa Kalibo Magsaysay Park halin it alas 6 it gabii hasta alas 6 it agahun agud magamit ro basketball ag volleyball court it mga Kalibonhon nga mahilig sa sports.
Raya hay base sa ginpaguwa nga Memorandum Order 001 ni Kalibo Mayor Juris Bautista Sucro.
Tinutuyo kara nga engganyuhon ro mga pamatan-on nga mag-intra sa sports ag physical activity makarun nga sa new normal eon ro banwa it Kalibo.
Owa it eabot sa basketball ag volleyball, ginapasugtan eon ro iba pang contact sports base sa guidelines it Inter-Agency Task Force. / ANN DESLENE SALAZAR
