Bangud sa pagtaas it insidente it pagpanakaw sa unang an-um nga buean makarung dag-on, gin-abisuhan ni Iloilo PNP director, Police Colonel Adrian Acollador ro mga hepe it pulisya nga pabaskugon ro mobile patrol eabi eon sa gabii.
Raya hay bangud napan-uhan ro pagtaas it kaso it pagpanakaw sa 58, o 14 nga insidente nga mas mataas kumpara sa 44 nga insidente ku nagtaliwan nga dag-on.
Ginhambaean ni Acollador ro mga station chief nga pabaskugon ro mobile patrolling umpisa alas-11 it gabii hasta 4 a.m.
Kinhangean segun nga magpabilin nga bugtaw ro mga kapulisan samtang ro pumueuyo hay hamuok nga nagakatueog.
Ginsuhestyun man nana sa mga station chief nga pahueagon ro mga tanod ag iba pang support group, eabi eon sa mga maeayo nga barangay.
Ginakabig man ni Acollador ro lean months nga isaea pang rasun ham-an nagaabo ro insidente it pagpanakaw.
Ginpadumdom man sa mga commercial establishment, vendor ag tag-ana it kiosk nga maging vigilante sa mga indibidwal o grupo nga nagagamit it “salisi” bilang andang modus. / ANN DESLENE SALAZAR
