CAMARINES SUR- Patay ang isang 51-anyos na magsasaka matapos na mabaril patay ng pulis sa Camarines Sur; ang biktima kalaguyo umano ng misis ng pulis.
Sa ulat ng Cabusao Municipal Police Station nangyari ito bandang ala-1:54 ng madaling araw nitong Marso 19 sa Barangay Camagong.
Sa ipinarating na ulat ni PMaj. Bernardo Peñero, hepe ng Ragay Municipal Police Station, tumawag sa kaniya ang pulis na si PSSg Baltazar Manacob , 43-anyos, assign sa PNP Ragay na residente ng Cabusao, sinabi ng pulis na nabaril nito ang biyudong si Arlando Sugay ; ang umano’y “lover” ng asawa dahil naabutan umano na may “sexual act” sa kubo.
Sinabi rin sa Brigada News FM Naga ni PCapt. Rosalinda Moises , hepe ng Cabusao PNP, sa pagresponde nila sumuko ang pulis at isinuko rin ang kaniyang armas. Nakausap din nila ang asawa ng pulis na nag salaysay kung bakit nabaril ni Manacob si Sugay. Nasa kostudiya ng PNP ang suspek.
Ayon naman sa mga kaanak ng biktima base sa kanilang mga pahayag sa social media, sana ay maging patas ang imbestigasyon, kinukuwesyon nila na naabutan sa akto, dahil nang nabaril si Sugay kompleto naman ang suot, nakabelt at nakajacket pa.
Tiniyak ni Moisose na magiging patas ang imbestigasyon.
Mahaharap sa kasong murder ang suspek.
