Balhog sa Tugbok Police Station ang mag-uyab human nga naharang kini ug nakuhaan og illegal nga druga sa Davao Checkpoint didto Davao-Bukidnon Road, Barangay Sto. Nino, Tugbok District, Davao City.
Ang mga suspetsado giila nga sila Al Sherwin Escalante, 38-anyos, nga taga Barangay Calinan ug Nicole Locsin, 27-anyos, residente sa Misui Bussan, Brgy. 19-B, Bajada, Davao City.
Subay sa imbestigasyon, palatas pasulod ang duha sa Davao City sakay ang usa ka SUV apan sa dihang gipahunong kini sa checkpoint samtang nag-inspeksyon nakita matud pa sa dashboard ang usa ka pakete sa gituohang shabu.
Gawas niini, nakuha sab sailang posisyon ang usa ka pakete sa shabu sa bulsa ni Escalante samtang nakuhaan sab og usa ka pakete si Locsin nga giipit saiyang case sa cellphone
Kasong paguspak sa RA 9165 Comprehensive Dangerous Drugs Act of 2002 ang atubangon sa mga suspetsado. BNFM-Davao
