Padayon nga ginapangita ang suspek kinsa midunggab patay sa usa ka lalaki sa Barangay Lapaz, Carmen, Davao del Norte, kaniadtong pagsugat sa bag-ong tuig.
Ang biktima giila nga si Vergil Tesoro Perote, hamtung ang panuigon ug taga Purok Pagkakaisa, Barangay Lapaz, samtang ang suspek giila sab nga si Icy Sales, hamtung ang panuigon ug residente sa susamsang dapit.
Subay sa imbestigasyon, samtang nag inom ang biktima kalit matud pa nga adunay mitungha nga grupo sa suspek og nag inom sab sa usa ka tindahan kung asa ang biktima.
Naglami matud pa ang inom sa duha nga miresulta sailang wala pagkasinabtanay ug naglalis hinungdan nga napungot ang suspek og gidunggab ang biktima og naigo saiyang dughan nga miresulta saiyang hinanaling kamatayon.
Misibat gilayon ang suspek sa wala matinong destinasyon hinungdan nga padayon kining ginatugis sa mga otoridad.
