Gi-warningan ni Mayor Inday Sara Duterte ang Dabawensyos batok sa mga indibidwal nga naga-solicit og salapi alang matud pa sa vaccination batok Covid-19.
Matud sa Mayor, bugtong gobierno lang ang otorisadong maka provide og vaccination batok Covid-19.
Kong dunay motanyag og bakuna o slot o vaccination priority bugti sa salapi, usa kana ka ilad ug dili angay mohatag og salapi matud sa Mayor.
Apan mamahimo usab mo sign-up lang aron malakip sa vaccination master list.
Awhag Alkalde ngadto sa mga Dabawenyos nga i-report dayon sa pinakaduol nga istasyon sa pulis kon adunay masiplatan nga mangingilad nga nalambigit sa maong scheme.
Sa pikas bahin, giklaro sa Mayor nga boluntaryo pa gihapon ang bakuna.
Ang desisyon sa pagpabakuna mag agad sa siyensya ug dili mag base sa mga hunghong lang. BNFM-Davao
