MALAY, AKLAN—Ginkalipay it LGU Malay do padayon nga pagsaka it numero it mga nagabakasyon sa isla it Boracay.
Suno kay Malay acting Mayor Frolibar Bautista, ginaeauman nanda nga magpadayon do pagsaka it tourist arrival agud nga amat-amat man nga makabawi do mga negosyante ag mga nagatrabaho sa isla.
Base sa datos it Malay Tourism Office, umpisa June 1-27,2021 nagaabot sa 23,599 do tourist arrival sa isla kung siin gin-domena raya it mga taga-National Capital Region nga umabot sa 15,075.
Samtang, mag-eowas sigon sa 11 turistang nadakpan nga nagpameke it andang RT-PCR test, makarun nga Hunyo hay owa eon it may naghana nga maggamit it pekeng para eamang makasueod sa isla. // SHERRY ANNE REUNIR-VIDAL
