Ninahan ro daywa ka magmaeanghod matapos barilon it uwa pa nakilaea nga suspek sa Barangay Santa Cruz, Ivisan, Capiz.
Ro mga biktima hay ginkilaea kanday Jhon Vincent Demalata, 30 anyos ag Oma Demalata, 24 anyos residente it San Felipe Neri Yap Subd. Barangay Sta. Cruz, Ivisan, Capiz.
Naka-angkun it nina sa likod nga parte it ueo si Jhon Vincent. Samtang, ninahan man sa parte it hita si Oma.
Base sa imbestigasyon it mga otoridad, nakipag-inuman ro daywa ka mga biktima sa mga amigo nanda kat may nabatian sanda nga eupok it baril.
Base sa pahayag it mga nakakita, ro nagbaril hay nakamotorsiklo ag madasig nga ginpadaeagan ro saeakyan matapos ginhimo ro krimen.
Sa presente, nagapabueong sa ospital ro mga biktima. Padayon man ro imbestigasyon it mga kapulisan sa motibo it krimen./JIL B. LACSON
