KASO ang atubangon sa indibidwal nga magtago o dunay kalabutan sa ‘hoarding’ sa medical oxygen tanks.
Kini ang gibutyag ni Atty. Remegio Rojas, Presidente sa Integrated Bar of the Philippines South Cotabato ug Gensan Chapter. Matud niini, posibleng mag-atubang og kasong pagsupak sa Republic Act 7581 as amended by R.A 10623 o “Price Act”.
Kini ang dunay silot nga pagkabalhog og naa sa lima hangtud 15 katuig ug multa nga gikan sa P5, 000 hangtud P2 milyon. Dugang sa nasangpit, ang pag-hoard niini ang pagguba sa ‘chain of supply’ nga miresulta sa pagkulang na sa supply niini sa mga ospital. Una nang, giangkon ni Flora Gabunales, Assistant Regional Director sa Department of Trade and Industry (DTI)-12. Usa sa rason nga nakita nila sa ‘shortage’ sa oxygen tank mao ang pagtago sa pipila sa tangke isip pagpangandam sa emergency. ( Richel Gubalani)
