NAGHATAG pagpaklaro ang usa ka miyembro sa Bids and Award Committee kon BAC kalabot sa nahitabo sa mga proyekto nga nalangay ug miresulta sa pag-blacklist sa upat ka contractors samtang duha pa ka contractor ang wala pa na-blacklist.
Sa paghinabi sa 89.5 Brigada News FM Gensan kay Atty. Marites Taniegra sumala niini nga Competetive ang bidding ug ang mao nga mga contractors ang lowest bidders, samtang ang mga proyekto para sa water system na-failure kay gamay ang kantidad unya ang mga rason sa contractor layo ang project sites ug lisod ang pagdala sa ilang mga ekipo pang-drilling hangtud nahimo nalang negotiated ang bidding.
Ang lista sa LGU Gensan nga gi-blacklist nga contractors ang mga musunod, Iyada Builders and Enterprises, Isulan ECT Construction and General Merchandise, DUBC Construction Corporation ug Amazing Find Builders Corporation.
Samtang ang duha ka contractor nga Granby ug Abratique wala pa gi- blacklist.
Ang lista sa nalangay nga proyekto mao ang mga musunod, deepwell with overhead tank sa Purok Reformville, Calumpang, water system sa Purok Changco 1, water system sa Purok Tribal Village, underground drainage with curb and gutter sa Mirabueno street, Founding Mayors Park Landmark sa rounball, water system sa Banisil Highschool Tambler, water system sa Katangawan Elementary School, water system sa Bawing Elementary School, pressurized tank sa Romana Elementary School, water system sa purok Crisostomo, Calumpang, water system sa Baluan Elementary School, water system sa Prk. Malakong, Conel Road, concreting sa Magsaysay avenue, Calumpang, floodway sa Mabuhay road, City Heights, traffic signalization Santiago Boulevard, Aparente street, Nuñez street, road concreting national highway sa Purok Estrella, Calumpang ug rehabilitation sa water system sa Hall of Justice, Lagao.
