Mihatan sa gobiyerno ang mag-asawang sakop sa New People’s Army (NPA) nga natigayon sa Bugac, Barangay Ma-a, Davao City niadtong milabay’ng adlaw.
Sa report gikan sa 10th Infantry Division (10ID) ang mga nasangpit mao silang alyas Jay nga maoy Commanding Officer sa Sub-Regional Guerilla Unit (SRGU), Sub-Regional Committee 2, Southern Mindanao Regional Committee sa NPA uban sa iyang asawa nga si alyas Sassy.
Sa pag-surrender sa duruha ila usab gitugyan ang usa ka Uzi Ingram, mga magazine ug mga bala, lakip na ang cellphone, flash drives ug mga extortion letter.
Gi-welcome usab ni Major General Ernesto Torres Jr, Commander sa 10ID ang mag-asawa diin misaad nga tabangan ang mga nasangpit nga makabalik na sa ilang normal nga panginabuhi.
