Gin umpisahan eon it Department of Public Works and Highways (DPWH) Aklan District Engineering Office ro konstruksyon sa bag ong access road paagto sa proposed port sa Barangay Unidos, Nabas, Aklan.
Ro P19.5-million project hay ginaeakipan it konstruksyon it 2.40 lane kilometer access road, kaeakip eon ro slope protection.
Bangud sa pagpaubra it nasambit nga access road, makaangkon ro mga residente it Nabas ag mga kaeapit nga banwa it mas mayad nga access sa port, nga magabukas it oportunidad para sa komersyo sa rehiyon. // ANN DESLENE SALAZAR
