GIHATAGAN og “Brigada Salute of Honor” sa top leaders sa Brigada Group, Elmer V. Catulpos ug kapikas sa kinabuhi nga si Yelcy Yasay Catulpos ang mitaliwan nga empleyado.
Sa unang higayon sa 15-year history sa kompanya ang magtiayong
EVC ug YYC mihimo sa maong pagsaludo aron nga hatagan og igong pagtahod ug pasidungog si Brigada Executive Office Director ug Chief of Staff Yentez Abedo-Quintoy atol sa lubong niini niadtong Sabado.
Samtang ginapaubos ang lungon sa patayng lawas ni Quintoy, silang CEO-President EVC ug Executive Vice President YYC miyukbo isip pagrespeto, sa paghatag og dakong bili sa dakong natampo ni Quintoy isip Brigada warrior ug pagprotekta alang sa kaayohan sa kompanya.
Segun ni EVC tungod sa dedikasyon sa trabaho ug sa maayong performance nga nakatampo sa kalampusan sa Brigada, isip usa ka service oriented company hinungdan sa natagamtaman karon nga kalambuan sa Brigada.
Dugang ni EVC ang Brigada Salute of Honor usa ka, “the highest gesture of recognition that the company can bestow upon those who perform remarkable deeds for Brigada.”
Magpabilin usab sa iyang kasing kasing hangtud sa hangtud ug sa subli nilang pagkita sa takdang panahon.
Giankon usab ni YYC nga nagsilbi si.Quintoy sa Brigada sulod sa 13 ka tuig ug dili bisan kanus-a makalimtan ang natabang sa kompanya. “Her service was extraordinary, and for that we will never forget.”
Dugang ni YYC usa ka hall sa state of the art Brigada headquarters sa sprawling Brigada Business Hub, nga kasamtangang ginatukod ang ipangalan kang Quintoy isip paghatag og pasidungog sa mitaliwan nga empleyado.
