Gihatagan na og direktiba ni Gensan City Mayor Ronnel Rivera ang kapulisan nga sulbaron ang tanang kaso sa patay sa dakbayan sa GenSan.
Pagpa-klaro niya nga sa karon, iyahang gipatutukan ang tulo ka kaso sa pagpamusil kung asa duha niini empleyado sa Brigada Group ang biktima ug kung konektado kini sa nahitaboing pagpamusil sa usa ka negosyante nga wala napuruhan.
Makonsidera lang matud pa kining usa ka isolated nga kaso gumikan wala matud pa silay record nga lambigit sa unsa mang illegal nga aktibidad rason nga kinhanglan matud pa nga magpahigayon ug mas lalom nga imbestigayson ang kapulisan bahin niini. Hugot usab ang direktiba niini ngadto sa kapulisan nga sulbaron ang tanang kaso sa mga biktima ug hatagan og hustisya.
