LEGAZPI CITY – Nagkondusir an Ligao Local Youth Development Office nin Youth Summit 2023 para sa mga young leaders sa syudad.
Tulong aldaw na nagdurar an aktibidad na pigkondusir sa sarong resort, na may obheto na matawan nin mas ararom na kaaraman asin ideya an jovenes manungod sa kun pano dapat mangenot sa komunidad tanganing mas magin organisado.
Nasa 25 youth organizations an nagpartisipar sa aktibidad kun sain sa paaging ini, ipigtukar sainda kun pano magsagibo nin mga relebanteng programa.
Nagpasalamat man an lokal na gobyerno sa gabos na nakipagtabangan tanganing magin matrayumpo an aktbidad partikularmente sa CDRRMO asin CSWDO pati na man sa National Youth Commission.
