Kinasuhan eon ru suspek sa pag-eabag sa COMELEC gan bun matapos manutok it baril sa sangka senior citizen sa Brgy. Old Buswang, Kalibo, Aklan.
Nakilaea ru suspek nga si Edito Nadate , 58 anyos, residente it nasambit nga lugar.
Imaw tu gina turong suspek nga tinutukan it baril sa uyahon ru biktimang si Jimmy Ortega, 64 anyos.
Kung matandaan, may natabong diskusyon sa tunga it biktima ag suspek rason nga eaging gin respondihan it mga kapulisan.
Nag-angkon it physical injury ru parte it eawas it biktima matapos mag-aeagawan it baril sa lugar.
Na recover sa suspek ru 38 nga calikre’t baril nga uwa’t legal nga dokumento ag 4 nga bala.//MARIVIC Y. ILIN
