KORONADAL CITY- MAGSASAGAWA ang Land Transportation Office o LTO Region 12 ng Free 15 hours Theoretical Driving Course o TDC eksklusibo para sa mga indigent na mga indibidwal.
Ito ay isasagawa sa April 25 hanggang April 27, mula alas-8 ng umaga sa LTO Regional Office 12 Gymnasium sa Koronadal City.
Ang mga interesadong mag-avail ng libreng TDC ay dapat magdala ng mga sumusunod na mga documentary requirements: PSA o NSO authenticated birth certificate, certificate of indigency mula sa barangay, valid government issued identification card, at authenticated marriage contract para sa mga married na mga kababaihan.
Hindi tatanggapin ang mga may kulang na dokumento.
Napag-alaman na ito ay first come, first served basis kung saan kailangang kumuha ng priority number sa Public Assistance Officer ng LTO 12.
Ang TDC ay isa sa mga requirements ng LTO para sa mga nais kumuha ng student permit.
