Wala pay nadawat nga aplikasyon ug petisyon gikan sa mga transport groups sa Davao Region bahin sa usbaw sa pamasahe ang Land Transportation Franchising and Regulatory Board-XI.
Sumala kang LTFRB XI Regional Director Nonito Llanos III, walay petisyon sa fare increase nga nadawat ang ilang buhatan kini taliwala sa padayong pagsaka sa presyo sa produktong petrolyo.
Apan paklaro sa opisyal nga dunay proseso sa pag-usab sa presyo sa pletehan kung asa kinahanglan pa kining i-review ug mu-agi sa mga proseso ayha ipatuman.
Gituno sa opisyal nga nagpabiling P9.00 pa gihapon ang minimum fare sa mga pampublikong jeep.
Kahibaluang base sa year to date adjustments sa Department of Energy, as of February 15 moabot na sa P7.95 kada litro sa gasolina ang pagsaka, P10.20 kada litro sa diesel ug P9.10 kada litro sa kerosene.
Gawas niini duna pay naka-ung-ong nga ikawalong hugna sa price increase ugmang adlawa diin anaa sa P0.80 hangtud piso ang dugang presyo sa kada litro sa gasolina; samtang P0.50 hangtud P0.60 usab sa kada litro sa diesel ug P0.40 hangtud P0.50 sa kada litro sa kerosene. BNFM-DAVAO
