Gisaway ni Bayan Muna Representative ug Deputy Minority Leader Carlos Zarate ang Peace 911 sa Davao City nag matud pa temporaryo lamang ang nasinati karon nga kalinaw ilabi na sa Paquibato District.
Sigon kang Zarate nga dili matubag sa peace campaign nga nagatanyag og panginabuhian sa komunidad ang ugat-hinungdan sa armadong pakigbisog diin lakip usab ang konplikto sa yuta.
Gikabalaka usab sa magbabalaud ang pagtagana sa NTF-ELCAC og dakong bahin sa budget niadtong 2021 nga mibalor og P4.3 billion diin gikwestyon niini ang nagasto nga pondo alang sa Paquibato.
Kahibaluang sa miaging mga tuig gideklarang insurgency-free sa lokal nga panggamhanan ug otoridad ang Paquibato district diin milambo usab ang ekonomiya ug panginabuhian sa katawhan sa lugar.
