Nakapahaom eun ro Boracay sa pag-umpisa it pinakamabahoe nga holiday attraction sa isla nga ginatawag nga ‘Love Boracay 2022 Better Than Ever’.
Ro tatlo ka adlaw nga kahiwatan hay, maumpisa makarang Abril 29 ag matapos man sa Mayo 1.
Makarang Abril 29, pagahiwaton ro Pinta Layag festival, Food Crawl, Scubarero, Beach clean-up, Smart Tiktok Challenge nga may tema nga ‘Love What You Love’ ag Summer Music Night.
Sa Abril 30 hasta Mayo 1 pagahiwaton man ro ‘Coachella inspired party.’ magahiwat man it mga performance halinsa maeain-eain nga mga Fire at Led Dancers, DJs, reggae artists, ag percussion band.
Maliban pa kara, magalunsar man ro Land Transportation Office it libre nga theoretical ag driving course sa Tambisaan Covered Court, Barangay Manocmanoc.
Sa Mayo 1, pagahiwaton ro tradisyunal nga Malay Biniray o Paraw Regatta ag Zumba by the Beach ./JIL B. LACSON
