Patay ru sangka lolo matapos ma hit and run it sangka puti nga kotse sa karsadahon it Brgy. Caano, Kalibo, Aklan.
Sa report, nakilaea ru biktima nga si Robert Maigue, 59 anyos, residente it nasambit nga lugar.
Samtang ru driver it kotse nga Hyundai Accent Sedan, plate no. ADA 3565 hay nakilaeang si Rodney Hinolan , 40 anyos ag residente it Pob., Kalibo.
Naka angkon it patal nga igo sa kaeawasan ru biktima rason it gulpihan nga kamatayaon samtang gina bueong sa hospital.
Sa imbistigasyon it Kalibo MPS, unang sinunggaban it kotse ru YAMAHA MIO 125 nga motorsiklo nga gina maneho ni Genebert Redo, 48 anyos angkas sanday Shiela Mae Redo, 20 anyos ag Jezabel Francisco, 19 anyos, tanan mga residente it Brgy. Cawayan, New Washington, Aklan.
Natabo ru aksidente sa Brgy. Pook, Kalibo bago ru pagka bangga sa naka bisekleta nga lolo.
Halin sa Poblacion Kalibo pauli sa New Wasington ru motorsiklo nga gina maneho ni Redo kat gulping binangga it kotse nga gina maneho ni Hinolan.
Sa makaron, padayon pa nga gina bueong sa hospital ru 1 sa 3 nga nabangga sakay it motorsiklo.
Samtang, kulong sa makaron sa Kalibo MPS ru driver it kotse ag may posibilidad nga paga pasakaan it kasong Reckless Imprudence Resulting to Homicide ag physical injury.//MARIVIC Y. ILIN
