Gipahigayon karon sa Tugbok Police Station ang man hunt operation batok sa suspek nga mitigbas patay sa senior citizen sa Purok 2 Brgy. Tacunan Tugbok District ning dakbayan sa Davao.
Sa imbestigasyon sa Tugbok PNP, nag inum ang biktima nga nailing si Eduardo Alimpus Dela Peña,67 anyos ug residente sa lugar, kauban ang suspek nga si Jolito Tabunan, 49 anyos nga nanimuyo sa Sitio San Miguel Brgy. Catalunan Grande ning syudad.
Human nga lango na sa ilimnong makahubog, kalit na lamang nga naglalis ang duha sa wala masayring rason, milakaw sumala pa ang suspek ug sa pagbalik nagbitbit na kini og sudang.
Walay daghang pangutana, gitigbas ang biktima nga naigo sa nagkadaiyang parte sa iyang lawas.
Dali kining gitabang ug gidala sa Southern Philippines Medical Center apan gideklarang dead on arrival doctor.
Nasayran nga nagsaulog sa adlaw’ng natawhan ang biktima niadtong Marso 7, 2022 diin nahitabo ang insedente.
