-Daina Gerona
KABANKALAN CITY, Negros Occidental — Ginala-uman sang pila ka mga local producers sa syudad sang Himamaylan subong man Kabankalan nga mag tin-ad ang Ila sini nga produksyon sa ti-on nga ma-aprubahan na ang Negros Island Region Bill (NIR).
Base sa pag-interview sang Brigada Kabankalan sa pila ka mga Local Producers, nga tuman sila ka apektado sa karon bangud nga magluwas sa epekto sang El Niño wala maayo ginabakal ang Ila sini nga mga produkto sang Ila nga ginpangtanom nga mga ulotanon, prutas, isda sa mga may punong kag iban pa.
Samtang sa pagkabati nila nga napasar na sa final kag third reading ang amo nga bill, nagpanumbalik sini ang ila na paglaum ilabi na nga ginapa-abot sa karon nga mapirmahan na ni Presidente Ferdenand “Bong bong” Marcos Jr. ang NIR Bill sa pala-abuton nga Hunyo 13.
Suno kay Garry Abunda, isa ka local producer sa syudad sang Himamaylan, posible magadako ang ila sini nga income sa ti-on nga mangin laye na ang NIR ilabi na nga kun mangin sentro ang Himamaylan ukon Kabankalan.
Dugang pa niya, nga mas mangin mahapos man ang pag proseso sang pila ka mga papeles, mas mangin mahapos naman ang pag-commute halin sa negros pakadto sa Panay ukon Cebu kon matigayon ang airport sa Kabankalan kag port naman sa banwa sang Cauayan.*
