Bangud sa mabinungahon nga paghiwat it Sunday Bazaar ku Local Council of Women LCW ag LGU Kalibo, ginapadayon ro Dominggohan nga pagbaligya it mga Kababayehan sa Gazeebo sa sueod it Kalibo Pastrana Park hasta sa Disyembre 2024.
Bangud kara, may mga inisyal eon nga proyekto ag aktibidad ro gin-istoryahan it Municipal Gender and Development Focal Point System GADFPS.
Pila sa mga aktibidades nga pagahiwaton para sa mga Kalibonhon hay ro mga masunod: Sa Buean it Mayo hay Mother’s Day ag Mental Health Day, sa Hunyo hay Pride Month, Environment Month ag Assistance to Individual In Crisis Situation AICS Distribution, Free Late Registration, Waste Worker’s Celebration.
Sa Hulyo hay pagahiwaton ro NDPR Week, Nutrition Month, Disaster Consciousness Month.
Sa Agosto hay ro Linggo ng Kabataan. Sa Setyembre hay ro CSC Month, Tourism Month ag Family Thanksgiving Day ag sa Oktubre hay ro World Food Day. // ANN DESLENE SALAZAR
