KORONADAL CITY- PINALAWIG ng Home Development Mutual Fund (HDMF) – Pag-IBIG ang loan term para sa multi-purpose loan (MPL) program nito.
Ayon kay HDMF- Pag-IBIG Koronadal Branch Head Engr. Marlon Barluado na maaari nang pumili ang mga borrowers kung ilang taon nila gustong bayaran ang kanilang utang.
Kung dati ay hanggang dalawang taon lang ang loan term ng multi-purpose loan, ngayon may option na ang mga miyembro na bayaran ito ng hanggang tatlong taon o 36 months.
Inihayag ni Barluado na sa pamamagitan nito, hindi na mahihirapan pa sa pagbayad ang mga Pag-IBIG members lalo na kung malaking halaga ang kanilang inutang.
