Isinusulong ni Senador Sonny Angara na mabigyan ng maayos na living facilities ang mga guro na na kailangan bumiyahe ng malalayo para lamang makapasok sa paaralan.
Paliwanag ng senador matagal na niyang naririnig ang mga kwento ng mga teachers na umaakyat sa bundok o di naman kaya ay tumatawid sa mga ilog papunta sa mga eskwelahan kung saan sila nagtuturo.
Kaya naman iminungkahi ni Angara na magkaroon ng maayos na matutuluyan ang mga guro na malapit sa paaralan kung saan siya nakadestino.
Iginiit pa nito na kahit ngayong COVID-19 pandemic at wala pang face-to-face classes marami pa rin ang mga public school teachers ang bumibiyahe sa mga malalayong lugar para maihatid ang mga learning modules sa kanilang mga estudyante.
Nabatid na batay sa February 2019 report ng Philippine Institute for Development Studies sinasabi nitong maraming public school teachers ‘chronically’ overworked dahil sa dami ng teaching at nonteaching duties na pinapagawa sa mga ito.
