24/ 7 ang pagpatuman sa liquor ban ug dili lang panahon sa bag-ong curfew nga alas 10 sa gabii hangtud alas 4 sa buntag.
Kini ang pagpaklaro ni Atty. Arnel Zapatos, city administrator sa LGU-GenSan alayun sa pagpatuman sa Executive Order number 22.
Segun ni Zapatos nga bawal sa tibuok adlaw ang ilimnong makahubog tungod ang panagtapok tapok ang hinungdan sa pagtaas sa kaso sa COVID-19, hinungdan gihimo ang drastic measures.
Giangkon niini nga paglabay sa usa ka tuig nga nagpabiling MGCQ ang GenSan sa tanang urbanized city ang katawhan ang nagrelaks na usab hinungdan mitaas ang kaso sa COVID-19 sa dakbayan.
Dili matud pa nila gusto nga malisdan pag-ayo ang mga doktor ug nurses ug magkahutdanay na sa ventilator.
Ang maong lakang ang gikasabutan sa mga mayor ug governors lakip mga miyembro sa IATF ug bisan sa mga barangay captain nga ipatuman ang mas istriktong patakaran.
