MOKABAT sa sobra duha ka libo ka mga indibidwal ang nasita sa kapulisan sa GenSan alayon sa pagpatuman sa Executive Order number 21 ug 22 ug sa direktiba ni Pangulong Duterte.
Sa datos sa General Santos City Police Office kun GSCPO, mokabat sa 1,479 ang nasita tungod sa kalapasan sa Executive Order 21 ug 22 sugod Mayo 10 sa alas 10 sa gabii hangtud alas 4 sa kaadlawon sa Mayo 11, 2021.
Kini gilangkuban sa no face mask sa 238, social distancing sa 438, liquor ban sa 51, curfew sa mga adult sa 274, no face shield sa 373 ug gibawalang makasulod sa GenSan tungod dili essential sa 105.
Alayun niini, gibutyag ni Police Major Rissa Hernaez, tigpamaba sa GSCPO nga daghan gihapon ang wala gasunod sa health protocols ug mga direktiba sa syudad hinungdan kinahanglan ang Oplan Yawyaw.
Gawas niini, padayun usab ang Oplan Kabalikat sa kapulisan ug pagpatuman sa direktiba sa Pangulo asa mokabat sa 682 ang mga violators.
Kini gilangkuban sa kalapasan sa pagtagay sa gidiling lugar, anti-smoking, half naked sa public places, curfew sa mga minors ug kalapasan sa Land Transportation and Traffic Code.
