KALIBO, AKLAN—Nakalista it panibag-ong kaso it Delta variant it COVID-19 do probinsya it Aklan.
Base sa ginpaguwa nga datos it Provincial Health Office (PHO) Aklan, tatlo kara hay halin sa banwa it Banga ag do daywa hay halin man sa banwa it Ibajay.
Sa nasambit nga datos, do 58 anyos nga eaeaki nga taga-Ibajay hay ginbawian it hueam nga kinabuhi samtang do ap-at nga iba pa hay nagmayad eon.
Sa makarun do probinsya hay may una eon nga 27 nga Delta variant cases. // SHERRY ANNE REUNIR-VIDAL
