Presente nga apektado it pagbaha ro pila ka mga kabarangayan sa lima ka mga banwa sa Capiz bangud sa uwa it untat nga pag-uean daea it bagyo nga Lannie.
Base sa kumpirmasyon ni Provincial Disaster Risk Reduction and Management Office (PDRRMO) Head Jing Pelaez, ro mga apektado nga mga lugar hay ginakaeakipan it Mambusao nga may 11 nga barangay; Jamindan nga may 6; Sigma nga may 10; Dumalag nga may 2; ag Panit-an nga may 5.
Narekord man ro sambilog ka indibidwal nga namatay bangud sa pagkalunod sa suba sa kasagsagan it maeain nga paniempo.
Ginkilaea ro biktima nga si Rogelio Tawag Rios, 64-anyos, residente it Barangay Sto. Niño.
Padayon gihapon ro monitoring it PDRRMO sa sitwasyon sa kabieogan nga probinsiya./JIL B. LACSON
