AYUDA pinaagi sa cash o suporta pang krudo ug gasolina ang pinakadali nga tabang sa fishing ug transport sector nga mga economic driver sa GenSan luyo sa pagtaas sa presyo sa produktong petrolyo aron dili daghan ang maapektohan sa krisis karon nga gisagubang.
Kini ang nakita nga immediate solution ni Brigada Elmer V.Catulpos sa yangongo karon sa mga driver nga naglisod na sa pagpamasada tungod sa kagamay sa pasahero ug gidunganan pa sa pagtaas sa presyo sa krudo ug gasolina.
Alang usab sa fishing sector, kinahanglan may sistema sa pagtabang, kini pinaagi sa cash subsidy o fuel aron usab makunhuran ang impact sa pagtaas sa presyo sa produktong petrolyo sa ilang operasyon.
Dugang ni Brigada Elmer ang ubang lakang nga ginaduso mao ang pag-repeal sa Oil Deregulation Law ug pagpataas sa pletihan apan kini madugayan pa gawas sa iyang personal nga sogyot ug bisan ang LGU daghan ang mahimong pamaagi aron makatabang sa maong sector.
Dugang sa Ama ng Brigada karon nga nasinatian ang ‘challenging’ nga sitwasyon kinahanglan lang gayud ang lider nga makabalo sa pag-manage sa ekonomiya, tough decision maker, kabalo modisplina ug ‘buo ang loob’ nga kayang modisiplina sa mga abusado.
Sama matud pa sa iyang pagdumala sa sulod sa 16 ka tuig sa Brigada, daghang challenges ang naagian, apan padayung nakigbisog, mihimo og mga strategy, disiplina ug gigamit ang krisis sama sa pandemya nga usa ka opurtunidad.
