Dul-an sa dos mil ka mga indibidwal ang gi-evacuate tungod sa nasinating mga pagbaha human sa pila ka oras nga pag uwan sa mga dakbayan sa Sugbo og Manduae kagahapong adlawa.
Sa dakbayan sa Sugbo, na-anod ang lima ka mga panimalay human sa pag-awas sa Butuanon river diin 15 usab ka mga panimalay ang nangaguba.
Gibutyag ni Pit-os barangay konsehal Dexter Bontilao Velayo nga tungod niini, adunay 130 ka mga tawo nga temporaryong mipahiluna sa evacuation center.
Samtang, daghang mga dapit sa Mandaue ang gipangbahaan kagahapon lakip na ang sitio Lub-ang sa Barangay Casuntingan, UN Avenue sa Barangay Umapad, Sitio Tambis og Talong sa Barangay Paknaan, Sitio Salvacion sa Barangay Maguikay, Sitio Pulang Bukid sa Barangay Alang-Alang ingon man ang Tabok og Tingub.
Giingong kutob sa ulo ang tubgi baha sa Lub-ang, Tambis og Talong, samtang kutob sa li-og usab ang tubgi sa Salvacion og Pulang Bukid og kutog sa hawak ang baha sa pipila ka bahin sa UN Avenue.
Anaa sa 464 ka mga apektado o anaa sa 1,828 ka mga inbidwal ang kasamtangang mibakwit sa lima ka mga evacuation center sa syudad.///
