Nagsimula na kaninang umaga ang libreng sakay para sa mga APORS at health workers na hatid ng Subic San Narciso San Felipe Transport Service Cooperative.
Ito ay sa ilalim pa rin ng ikatlong bugso ng Service Contracting Program ng gobyerno na layong matulungan ang transport sector at mga mananakay.
Maaga pa kanina nang umarangkada ang byahe mula sa Subic Terminal hanggang San Felipe.
Ayon kay Transport Cooperative Chairman Joelson Del Mundo, nasa tatlumpong unit ang bibyahe araw-araw habang may dalawa pang nakastandby.
Maging ang mga estudyante ay kabilang na rin umano sa maseserbisyuhan ng programa.
Matatandaan na ang ibang mga probinsya ay nagsimula noon pang April 13 base sa update ng Land Transportation Franchising and Regulatory Board.//Jen Bayot-BNFM OLONGAPO
