NAKAPALIT na ang LGU-GenSan og cold chain facilities alang sa highly sensitive nga Pfizer vaccine.
Sa post sa LGU page, makita ang gikaengong bag-o nga cold chain storage nga dunay negative 80- degree Celsius. Napalitan kini sa siyudad human nga usa ang GenSan sa lugar sa Soccsksargen nga walay sama niining pasipalidad.
Ang pasilidad ang naa sa cold chain hubs sa Lagao gym sa dakbayan nga gikaengong strategically location alang sa sayong nga distribution. Una nang, gibutyag ni Dr. Rochelle Oco, City Health Officer sa presscon sa Department of Health (DOH) 12 nakalabay’ng semana gitakda na ang pag-abot sa dakbayan sa gipalit sa LGU nga cold chain facilities alang sa sensitibong bakuna sama sa Pfizer.
Ang pag-abot niini ang dungan sa pagdawat sa GenSan og 585 vials sa Pfizer vaccine gikan sa DOH-12. Ang usa ka vials sa bakuna ang equivalent sa 6 doses. Kini ang takdang ibakuna sa mga naa sa A1 hangtud A5 o general population sa dakbayan dungan sa nagpadayon vaccination rollout.
Base sa vaccination statistics sa siyudad, naa pa lang sa 26% o 118,124 ang fully vaccinated gikan sa 459,732 target population aron maangkon ang population protection batok sa Covid-19. ( Richel Gubalani)
