May sapat na pondo ang pamahalaan ngayong 2022 para sa libreng COVID-19 testing at paghire ng mga tracers.
Ito ang inihayag ni Senate Finance Committee chairman Senate Sen. Sonny Angara.
Paliwanag ni Angara may inilaang pondo sa 2022 National Budget para sa libreng COVID-19 testing ng publiko.
Iginiit ng senador na aabot sa P17.85 billion ang inilaan para sa “COVID-19 Laboratory Network Commodities” na maaring gamitin para sa free testing.
Kasabay nito umapela si Angara sa DOH na agad na idownload ang naturang pondo para makapag-test ng libre sa publiko lalo na sa mga kababayan nating walang pambayad sa sobrang mahal na COVID-19 testing.
